Long Lasting Stick Eyeshadow from KIKO اقلام اي شدو من كيكو

مكياج كيكو ميلانو

اقلام اي شدو من كيكو.. الاقلام حلوين وسهل الاستخدام.. كريمي، واضح ويتم لفترة طويلة.. احيانا احطه كاساس قبل ما احط الاي شدو او احطه داخل العين.

Eye Pencil from ARTDECO

اقلام كحل من ارتديكو  Eye Pencil from ARTDECO

 وايد حلو و سهل الاستخدام لداخل العين وتقدرين تستخدمينه للسموكي ميك اب وما يسيح معاج.. عندهم الوان مختلفة، ما اذكر بكم اخذته بس سعره وايد معقول.. للاسف ما عندنا هالماركة..

Eye Primer from Urban Decay برايمر للعين من اربن ديكي

Eyeshadow Primer Potion (Original)    برايمر العين من اربن ديكي 

بصراحة وايد وايد حبيته... وايد يفرق معاج لو حطيته.. يطلع الشدو واضح ويخليه لفترة اطول. وما يتكتل معاج بعد فترة.  في الصورة اللي تحت، بتشوفين الفرق بالبرايمر و من غير برايمر.

Orange Corrector from LA GIRL

ORANGE CORRECTOR مصحح البرتقالي من أل اي غيل

طبعا الأغلب تعرف شو يسوي المصحح البرتقالي.. فقط لتوضيح وبتكلم عن هالمصحح.. اللي تعاني من كلف البشرة - هالات السودا - سمار حول العين.. هالمصحح وايد عيبني، خفيفة و صدق تصحح وتخفي الأماكن اللي تبينه طبعا، لازم تعرفين كيف.. اول شي تستخدمين المصحح(كوركتر) البرتقالي كمية بسيطة وطبطبي بالبيوتي بلندر عدل، ونصيحة لا تكثري لان بيصير ويهج لونه برتقالي.. عقب حطي كونسيلر بس لا تحطين لون وايد فاتح لان ابدا ما بيطلع حلو.. تقدرين تحطين على مرحلتين.. اول حطي لون اغمج بدرجة من لون بشرتج طبطبي وعقب حطي لون فاتح بدرجة مب اكثر او بس حطي مرة وحدة كونسيلر نفس اللون بشرتج.. وبيطلع عجيب.

Kat Von D Eyeshadow Palettes

MATTE Eyeshadow Palette

باليت اي شدو المات من كات فون دي
عجيب الباليت..  حبيبت الالوان، واضح وثابت.. الوان ترابية.. تقدرين تستخدمينه يومي او في المناسبات.. حاليا المفضل عندي 

NAKED SKIN Concealer from URBAN DECAY

NAKED SKIN Concealer from URBAN DECAY

نايكد سكن كونسيلر من اربن ديكي
تغطية متوسطة.. خفيفة على البشرة.. ثباته حلو يتم تقريبا ل٧ ساعات.. فيه اللي يساعد في تخفيف من الخطوط الدقيقة تحت العين.. سهل الدمج.
يي معاه فرشة بس احطه تحت العين واطبطب بالبيوتي بلندر.. متوفر ب ٨ درجات مختلفة..