PHOTO FINISH PRIMER WATER from SMASHBOX برايمر سائل من سماش بوكس

PHOTO FINISH PRIMER WATER from SMASHBOXبرايمر سائل من سماش بوكس

كثير اسمع مدح على هالبرايمر.. مثل الفكس بلس من ماك بس احسن.. ترشينه على ويهج بعد البرايمر الكريمي او تقدرين تستخدمينه قبل ما تحطين الفاونديشن.. وايد حلو ويثبت المكياج.. ورشي بعد ما تحطين المكياج.. الحلو انه خالي من الزيوت والسليكون والكحول.. اخذته ب ٣٣ يورو (١٣٨ درهم) - ١١٦ مل

DipBrow from Anastasia Beverly Hills جل الحواجب من انستاسيا

جل الحواجب من انستاسيا

من احسن وأفضل جل الحواجب، الأفضل بس تستخدمينه كتحديد مب تحطينه كامل، استخدمي بوردة الحواجب كرسم الحواجب

هاللون ميديم

HD Pressed Powder from MAKE UP FOR EVER بودرة مضغوطة شفافة اتش دي من ميك اب فور ايفر

صار المفضل عندي حاليا.. صرت استخدمها اكثر من الكومباك بودر.. هالبودرة تخلي ويهي ناعم كرحرير و يبين وايد طبيعي ومطفي.. وما يتكتل معاي .. وصدق منتسب لجميع انواع البشرة... اللي بشرتها دهنية ما يدهن معاج، واللي بشرتها جافة، ما بيبين ولا بيتقشر معاج.. حتى اللي عندهم مشاكل بالمسامات او الخطوط الدقيقة بهالبودرة يخففه وما بيبين معاج.. احط كمية وايد بسيطة بالفرشة الخاصة للبرودة الفاونديشن لان او حطيتي كمية وايد بيطلع ويهج ابيض.. وخاصة لو صورتي عمرج بتطلعين مثل الشبح... وايد عجيبة هالبودرة.. انصحكم تاخذونها ❤️

Foundation from Yves Rocher فاونديشن من يڤس روشر

فاونديشن من يڤس روشر

الفاونديشن عجيب، ما توقعته جذي.. تغطية رهيبة.. كريمي وفيه لمعة خفيفة، ويرطب البشرة و ما ينشفه.. يخلي الويه مخملي.. اخذته من أوروبا ما دريت عندنا محل هني.. في ابوظبي - ابوظبي مول و ياس مول.. ودبي - مركز الغرير و الشندغة سيتي سنتر

Step 1 Equalizer from MAKEUP FOREVER

ستب ون (Step 1) برايمر لتوحيد اللون من ميك  اب فور ايفر

برايمر التمهيدي (الأصفر) - لبشرة  الفاتحة الى متوسطة.... البرايمر يعطي توازن للويه ويوحد لون البشرة، ويخلي المكياج يتم لمدة اطول... مناسب لجميع انواع البشرة ، خلي المكياج يتم فرش لساعات و في نفس الوقت يرطبه..

(البرايمر ب ١٦٥ درهم (٤٥ دولار

KAT VON D Shade + Light Contour Palette

كنتور و هايلايت باليت من كات فون دي

الباليت مقسم ب ٣ الوان من كنتور و ٣ الوان من هايلايت.. وايد حلوين شبيه باليت انستاسيا، بس مركز اكثر.. ويمدج بسهولة.. وعندهم فرشة خاصة لكنتور..

الباليت ب ٢٢٠ درهم (٦٠ دولار) من سيفورا

ULTRA HD FOUNDATION from MAKEUP FOREVER

Ultra HD Foundation from Makeup Forever

أُلترا اتش دي من ميك اب فور ايفر

تغطيته من متوسط الى فل كڤر... خفيفة على البشرة وما تحسون ان في شي طبقة على ويهكم.. اللي عندها حبوب او نمش ما يغطي كامل، بس يبين بنسبة بسيطة.. حبيته يمكن تستخدمينه يومي.. واللي تحب تصور، وايد حلو بيطلع مثالي من غير فوتوشوب.. بس حطي قبله برايمر انا انصح مال ميك اب فور ايفر، يثبت ويوحد لون البشرة .. الفاونديشن تم معاي اكثر عن ٨ ساعات وما تغير..