ريفيو عن البرايمر و أنواعه من ميك اب فور يفر

ما هو البرايمر؟

البرايمر منتج تجميلي وظيفته انه يهيئ البشرة للفاونديشن و يخلي الفاونديشن شكله احلى على الويه و البرايمر يساعد الميك اب يثبت على الويه لوقت اطول

البرايمر يغطي بعض العيوب مثل الجفاف او المسامات والخطوط او الدهنية بس بشكل مؤقت مو علاجي

مثلا عندج مثلا تصبغات ممكن تستخدمي برايمر مصحح او اذا عندج مشكلة مع الجفاف و القشور تستخدمي برايمر مرطب

و البرايمر مب ضروري و ضروري للبعض، هالشي راجعلج.. وانا مب دايما احط برايمر بس لو عندي مناسبة وأحب المكياج يطلع احلى احط بس مب يوميا

  

أنواع البرايمر و يناسب لاي بشرة

انواع البرايمات من ميك اب فور ايفر.. واي بشرة يناسب لكل برايمر و شو وظيفته.. واغلبية البرايمر يوحد اللون البشرة

- MATTIFYING PRIMER: للبشرة الدهنية، يخفي اللمعة.. حطي بس في المنطقة اللي يظهر فيها الدهون سواء في البشرة كاملة او التي زون (T Zone)

- SMOOTHING Primer:للمسامات والخطوط.. ينعم البشرة.. يخلي ملمس البشرة مخملي.. حطي بس في المناطق اللي فيها مسامات او الخطوط

- HYDRATING PRIMER:مرطب للبشرة خاصة للبشرة التعبانة.. يرطبها ويخليها تبين صحية 

- Nourishing PRIMER:للبشرة الجافة.. يعطيها ترطيب و تغذية اقوى

- GREEN PRIMER: مخصص لتصحيح الاحمرار في البشرة

*RADIANT PRIMERS: مصحح الالوان على عسب لون البشرة.. يوحد اللون و يعطي هيدرات للوجه ⤵️

- MAUVE PRIMER: للبشرة الغامقة المائلة على صفار

- BLUE PRIMER: للبشرة الفاتحة.. نضارة وإشراق

- YELLOW PRIMER: للبشرة الفاتحة والمتوسطة

- PEACH PRIMER: للبشرة الشاحبة

- CARAMEL PRIMER: للبشرة الغامقة واللي عندها تصبغات غامقة او هالات

- COOL PINK PRIMER: للبشرة الفاتحة المائلة للصفار